लुम्बिनी –नेपाल स्रष्टा समाजको लुम्बिनी प्रदेशको नयाँ नेतृत्व चयन सम्पन्न भएको छ। भैरहवास्थित शहीद स्मृति पुस्तकालयमा आयोजित भेलाले डा.श्यामप्रसाद न्यौपानेको अध्यक्षतामा ११ सदस्यीय प्रदेश समितिको सर्वसम्मत नेतृत्व चयन गरेको छ ।
उक्त समितिको उपाध्यक्षमा रमेश समर्थन, सचिव विष्णु गजुरेल, कोषाध्यक्ष सिर्जना खनाल चयन भए। यसैगरी सदस्यहरुमा कमला भण्डारी ढकाल, ह्रदय लेकाली चयन भएका छन् ।
तीन सदस्य हाललाई रिक्त राखी पछि कार्यसमितिले मनोनित गर्ने समेत भेलाले निर्णय गरेको छ ।
कार्यक्रमलाई प्रमुख अतिथि नेपाल स्रष्टा समाजका केन्द्रीय अध्यक्ष श्रीओम श्रेष्ठ ‘रोदन’ले सम्बोधन गर्दै समाजका गतिविधिहरू बारे जानकारी समेत दिए । साथै नव निर्वाचित पदाधिकारी एवं सदस्यहरुलाई टीका प्रदान गरे ।
समाजका संरक्षक पवन आलोकले नव निर्वाचित टीमलाई बधाई ज्ञापन गरे ।
उक्त कार्यक्रमको अध्यक्षता सिद्धार्थ साहित्य परिषद्का अध्यक्ष डिल्लीराज भट्टराईले गरेका थिए । विष्णु गजुरेलले स्वागत मन्तव्य राखेको कार्यक्रमको सञ्चालन लुम्बिनी प्रदेशका संयोजक रुद्र ज्ञवालीले गरे ।
भैरहवा सेरोफेरोको साहित्यिक गतिविधिबारे विजय सागरले प्रकाश पारेका थिए । कार्यक्रममा नव निर्वाचित अध्यक्ष डा.न्यौपानेले प्रतिवद्धता मन्तव्य राखेका थिए ।
