०७ जेठ २०७९, काठमाडौँ, कवि बसन्त श्रेष्ठको पहिलो निबन्ध संग्रह अँगालोभरिको अनुभूति’होटल हार्दिक वागबजारमा एक समारोहबीच लोकार्पण भएको छ ।
प्रमुख अतिथि कवि तथा लोकसंस्कृतिविद् तुलसी दिवसले उक्त पुस्तकको विमोचन गरेका थिए । विमोचित कृतिमाथि कवि गोविन्द गिरी प्रेणाले आफ्नो धारणा राखेका थिए ।
कार्यक्रममा कवि हरि अधिकारी, भागीरथी श्रेष्ठ, लव गाउँले, राजेन्द्र शलभ, विश्वबिमोहन श्रेष्ठ, प्रमोद प्रधान, साहित्यिक पत्रकारहरू जयदेव भट्टराई, त्रिभुवन चन्द्र वाग्ले, राजेश खनाल, राधेश्याम लेकाली, श्रीओम श्रेष्ठ, प्रद्युम्न जोशी, ध्रुव मधिकर्मी, उषा के.सी. जय छाङ्छा, उमेश अकिञ्चनलगायत अन्य अतिथिहरू र लेखक श्रेष्ठका परिवारहरूको उपस्थिति थियो ।
कार्यक्रम सञ्चालन कवि मणि लोहनीले गरेका थिए भने कार्यक्रमको सभापतित्व साहित्यपोष्ट डट कमका सम्पादक अश्विनी कोइरालाले गरेका थिए ।
