आगलागीबाट विभिन्न धनमाल जलेर नष्ट

काठमाडौं, १० पुस

खोटाङ, दिक्तेल रुपाकोट मझुवागढी नगरपालिका-३ बाम्राङ बस्ने मैया श्रेष्ठको घरमा विद्युतको तार सर्ट भई शनिबार दिउँसो आगलागी हुँदा मैया श्रेष्ठ समेत ३ जनाको घर जलेर करिब ८४ लाख ५६ हजार ५ सय रुपैयाँ बराबरको धनमाल नष्ट भएको छ ।

सर्लाही, कविलासी नगरपालिका-३ बिनग्रा बस्ने बालकिशोर रायको गोठमा गएराति आगलागी हुँदा करिब २ लाख ५० हजार रुपैयाँ बराबरको धनमाल जलेर नष्ट भएको छ ।

झापा, मेचिनगर नगरपलिका-७ ईटाभट्टा बस्ने प्रज्वल घिमिरेको निर्माणाधिन होटल आश्वतको माथिल्लो तलामा वेल्डिङ गर्ने क्रममा झिल्का उडी उक्त होटलको भुई तलाको बाहिरी भागमा राखेको आउट एसी युनिटमा आइतबार बिहान आगलागी हुँदा आउट एसी युनिट पूर्ण रुपमा जलेर करिब ४० लाख रूपैयाँ बराबरको धनमाल नष्ट भएको छ ।

प्रहरीले स्थानिय बासिन्दा तथा दमकलको सहयोगमा आगलागी नियन्त्रणमा लिनुका साथै यस सम्बन्धमा आवश्यक अनुसन्धान गरिरहेको छ ।