पोखरा – प्रहरी अतिरिक्त महानिरीक्षक डा. मनोज कुमार के.सी.ले यहि फागुन २१ गते हुने प्रतिनिधी सभा निर्चाचनमा गण्डकी प्रदेश प्रहरीको सुरक्षा व्यबस्थापन, प्रहरी जनशक्ति परिचालन, सुरक्षा योजना लगायतको विषयमा निरीक्षण तथा अनुगमन गर्नुभएको छ । अनुगमनको क्रममा गण्डकी प्रदेश प्रहरी कार्यालय पाल्नुभएका प्रहरी अतिरिक्त महानिरीक्षक के.सीले पोखरा उपत्यकामा कार्यरत सिनियर प्रहरी अधिकृतहरुलाई निर्वाचनमा प्रहरीको निष्पक्ष सक्रियता र सांगठनिक जिम्मेवारीको विषयमा निर्देशन समेत गर्नुभएको थियो । गण्डकी प्रदेश प्रहरी कार्यालयका प्रहरी नायव उपरीक्षक राजेन्द्र कुमार उपाध्यायले प्रस्तुतिकरण मार्फत सम्पुर्ण सुरक्षा योजना र समस्याका विषयमा प्रस्तुतिकरण गर्नुभएको उक्त कार्यक्रममा गण्डकी प्रदेश प्रहरी प्रमुख प्रहरी नायव महानिरीक्षक दिपेन्द्र घर्ती क्षेत्री, नेपाल प्रहरी प्रदेश कार्यालय प्रमुख प्रहरी वरिष्ठ उपरीक्षक केदार खनालको उपस्थिती रहेको थियो ।
