काठमाडौं– अन्तर्राष्ट्रिय महिला दिवस २०२६ को अवसरमा, भारतीय दूतावास, काठमाडौंले नेपाली-हिन्दी कवियत्री सम्मेलनको आयोजना गर्यो, जसमा नेपाली महिला लेखकहरूले नेपाली र हिन्दी भाषामा कविता वाचन गरेका थिए । कार्यक्रम नेपाल-भारत पुस्तकालय, न्यु रोड , काठमाडौंमा आयोजना गरिएको थियो। कार्यक्रमकी प्रमुख अतिथि पारुल पाण्डे थिइन्।
कार्यक्रमलाई दुई भागमा सम्पन्न गरिएको थियो। प्रथम चरणमा केही प्रसिद्ध महिला कविको मुल्याङ्कनको जानकारी दिइएको थियो जस अन्तर्गत “हिन्दी साहित्य उत्सव” संगोष्ठीको प्रथम चरणमा, उपन्यासकार तथा लघुकथा लेखिका गौरा पन्त शिवानी, हिन्दी साहित्यमा छायावादको प्रमुख स्तम्भ मानिने कवियत्री, गद्य लेखिका महादेवी वर्मा, क्रान्तिकारी लेखिका तथा पत्रकारका रूपमा प्रसिद्ध सच्चिनन्द हिरानन्द वात्स्यायन “अज्ञेय” र फणीश्वरनाथ रेणुलाई सम्झना गरिएको थियो। रश्मी वी.जे.ले महादेवी वर्माको बारेमा र रूपम पाठकले फणीश्वरनाथ रेणुको बारेमा आफ्ना विचारहरू साझा गरे। अन्य विद्वानहरूले पनि अज्ञेय र शिवानीको बारेमा आफ्ना विचारहरू व्यक्त गरेका थिए । काठमाडौँका विभिन्न विद्यालयका बालबालिकाहरूले पनि यी कविताहरू वाचन गरेका थिए ।
दोस्रो चरणमा हिन्दी नेपाली कविता र गजल वाचन गरिएको थियो। वाचन गर्ने गजलकार तथा कविहरूमा शीतल कादम्बरी, रञ्जन निरौला, ज्योति जंगल, रीमा केसी, केवरा भट्टराई, सुमन घिमिरे, कृतिका यादव, जैनब खान, तबस्सुम मिकारानी र कंचना झा थिए। धनेश्वर द्विवेदीद्वारा संयोजक गरिएको उक्त कार्यक्रम ज्योति सुहागले सञ्चालन गरेकी थिइन् ।
Discussion about this post