धनगढी- नेकपा एमालेका नेता महेश बस्नेत धनगढी आउने भएपछि धनगढीमा जेनजीहरुले ‘प्ले कार्ड’ सडकमा उत्रिएका छन्।
आज दिउँसाे धनगढीमा एमाले निकट युवा संघकाे सुदूरपश्चिम प्रदेश स्तरीय भेलालाई सम्बाेधन गर्न नेता महेश बस्नेत धनगढी आउँदैछन् ।
उनी आउने भएपछि जेनजीहरूले धनगढीकाे सडकमा ‘प्ले कार्ड’सहित विराेध सुरु गरेका हुन् । उनीहरुले ‘गुण्डुकाे गुण्डा गाे ब्याक’, ‘जेनजीकाे रकतमाथि खेलवाड गर्न पाइँदैन’ जस्ता नारा लेखेर ‘प्ले कार्ड’सहित सडकमा विराेध प्रदर्शन गरिरहेका छन्।
बस्नेतकाे सुरक्षा र जेनजीकाे विराेधलाई ध्यानमा राखी सडकमा नेपाल प्रहरी र शसस्त्र प्रहरी ठूलाे संख्यामा परिचालन गरिएकाे छ ।
