काठमाडौं -शिवपुरी साहित्य समाज तथा शिवपुरी त्रैमासिक पत्रीकाको वार्षिकोत्सव भव्य रुपमा सम्पन्न भएको छ । टोखा न.पा. २ चण्डेश्वरीमा शिवपुरी सन्देश पत्रीका लोकार्पण, स्रष्टा सम्मान तथा रचना वाचन गरेर समाजले आफ्नो वार्षिकोत्सव मनाएको हो । उक्त समाजले हरेक वर्ष सहभागीहरूलाई गुन्द्रुक मकै तथा भटमास खुवाएर साहित्य र स्थानिय उत्पादनलाई जोड्ने काम गर्दछ ।
शिवपुरी सन्देश सभापति रहेको उक्त कार्यक्रममा प्रमुख अतिथि वरिष्ठ साहित्यकार डा. तुलसीप्रसाद भट्टराई थिए ।
कार्यक्रममा स्वागत मन्तव्य समाजका संरक्षक वियोगी बुढाथोकीले गरेका थिए भने माला-खादाले स्वागत समाजका महासचिव प्रकाश घायलले गरेका थिए ।
विभिन्न विधाका सर्जकहरू वरिष्ठ कवि शैलेन्द्र साकार, प्रा.डा. लालमणि पाण्डे, राम सञ्जेल, नवराज रिजाल, मुक्तककार सुशीला पौडेल र गजलकार आँचल कुमार शर्मालाई पुरस्कार तथा सम्मान प्रदान गरिएको थियो ।
उक्त कार्यक्रममा बिनोद नेपाल, बिष्णु बहादुर सिंह, शंकर भारती, आँचल कुमार शर्मा, शुशिला पौडेल, राम सञ्जेल, नवराज रिजाल, प्रा.डा. लालमणि पाण्डे, प्रा.डा. कपिल अज्ञात, शंकर तिवारी लगायतले मन्तव्य राखेका थिए । त्यसैगरी तुलसीराम पुडासैनी, बिमल वैध्य, सुकदेव उपाध्याय, शोभा अधिकारी, रुपा रिसाल, उत्तम भेटवाल, लव खड्का, बद्री उप्रेती, शुष्मा आचार्य, मदन नेपाल, लिलामाया ढकाल, प्रमोद नेपाल लगायतले आफ्नो रचना वाचन गरेका थिए ।
नेपाली साहित्यका मुर्धन्य व्यक्तित्वहरूको उपस्थितिमा करिव तीन घण्टा चलेको उक्त साहित्य सत्संगको संचालन समाजका कोषाध्यक्ष माधव बिडारी ‘चेतनपथ’ले गरेका थिए ।
