काठमाडौँ-– अभिनेता आकाश श्रेष्ठ पछिल्लो समय सिनेमा भन्दा म्युजिक भिडियोमा व्यस्त छन्। उनी अन्तिम पटक गत मंसिर १२ गतेबाट प्रदर्शनमा आएको सिनेमा ‘हर्ष’ मा विशेष भूमिकामा देखिएका थिए। त्यसपछि उनी रुपेश तामाङ निर्देशनमा निर्माण हुने एक अनटाइटल सिनेमा अनुबन्धित भएका थिए।
तर, यसबीचमा उनका हप्तैपिच्छे नयाँ म्युजिक भिडियो रिलिज भैरहेका हुन्छ। त्यसमा पनि अधिकांश भिडियोमा उनको जाेडी अभिनेत्री समेत रहेकी करुणा श्रेष्ठसँग बाँधिएको हुन्छ। यही जोडीको नयाँ म्युजिक भिडियो ‘तिम्रो स्पर्श’ सार्वजनिक गरिएको छ।
सार्वजनिक गीतमा सुरजराज खत्रीको शब्द, कम्पोज र स्वर छ। भिमफेदी गाइजका निर्मलकुमार लामाको निर्देशनमा निर्माण भएको म्युजिक भिडियोमा आकाश र करुण रोमान्टिक अवतारमा नृत्य गर्दै गरेको अवस्थामा देखिएका छन्।
आरोह रेकर्डिङ स्टुडियोमा रेकर्ड गरिएको गीतका अडियो निर्माता किरण आले मगर हुन्। प्रवेश खत्री प्रोजेक्ट म्यानेजर रहेको गीतलाई पवन सुस्लिङले खिचेका हुन्। यो गीतको भिडियोको सम्पादन र कलर पनि पवनले नै गरेका छन्।
