थाइल्याण्डको नयाँ गठबन्धन सरकारले पद तथा गोपनीयताको शपथ ग्रहण गर्यो

काठमाडौँ- प्रधानमन्त्री अनुटिन चर्नविराकुलको नेतृत्वमा थाइल्याण्डको नयाँ गठबन्धन सरकारले गत हप्ताको शाही अनुमोदनपछि सोमवार साँझ पद तथा गोपनीयताको शपथ ग्रहण गरेको छ । ३५ सदस्यीय मन्त्रिमण्डलले बैंककको दुसित प्यालेसमा आयोजित एक परम्परागत समारोहमा राजा महा वजिरालोङ्कोर्नको उपस्थितिमा निष्ठाको शपथ लिएका थिए ।
उक्त समारोहमा प्रधानमन्त्री अनुटिन र सातजना उपप्रधानमन्त्रीका साथै अन्य मन्त्रिपरिषद्का मन्त्री र राज्यमन्त्रीहरूको सहभागिता रहेको थियो । शपथ ग्रहण पश्चात प्रधानमन्त्रीले सरकारी निवास (गभर्मेन्ट हाउस) मा विशेष मन्त्रिपरिषद् बैठकको अध्यक्षता गर्नुभयो ।
अनुटिनले आगामी केही दिनमा संसदमा आफ्नो नीतिगत वक्तव्य प्रश्तुत गर्ने कार्यक्रम रहेको छ । जुन नयाँ प्रशासनले आधिकारिक रूपमा कार्यभार सम्हाल्नु अघिको अन्तिम प्रक्रिया हो । ५९ वर्षीय भुमजैथाई पार्टीका नेता अनुटिन, गत मार्चमा भएको संसदीय मतदानमा विजय हासिल गरेपछि दक्षिणपूर्वी एशियाली मुलुक थाइल्याण्डको प्रधानमन्त्रीका रूपमा दोस्रो कार्यकालका लागि पुनः निर्वाचित हुनुभएको हो ।