फिल्म ‘गौँथली’ को कमाइ २० करोड नजिक पुग्यो

काठमाडौँ- चलचित्र विकास बोर्डले सोमबार सार्वजनिक गरेको रिपोर्टअनुसार फिल्मले अहिलेसम्म १९ करोड ७१ लाख ६ हजार रूपैयाँ ग्रस कमाएको छ।
त्यस्तै साउन २४ गते आइतबारसम्म फिल्मका ७ लाख १५ हजारभन्दा बढी टिकट बिक्री भएका छन्। योसँगै ‘गौँथली’ अहिलेसम्मको सर्वाधिक कमाइ गर्नेको फिल्मको चौथो स्थानमा छ।
यसले ‘जारी’ (१७ करोड ४८ लाख), ‘छक्का पञ्जा ४’ (१७ करोड ५३ लाख), ‘परान’ (१७ करोड ७६ लाख) को लाइफटाइम कमाइलाई समेत उछिन्दै उक्त स्थान बनाएको हो।
अब ‘गौँथली’ भन्दा अगाडि तेस्रो नम्बरमा ‘१२ गाउँ’ (१९ करोड ९२ लाख) छ। दोस्रोमा ‘कबड्डी ४’ (२१ करोड ४० लाख) रहेको छ।
सर्वाधिक कमाउने पहिलो नम्बरमा ‘पूर्णबहादुरको सारंगी’ (४६ करोड ८७ लाख) रहेको छ।
डा. कपिल रिजाल निर्देशित फिल्म ‘गौँथली’ मा अरूण क्षेत्री र सिम्रन खड्का मुख्य भूमिकामा छन्। डा. भोला रिजालको कथा रहेको फिल्मका निर्माता सुमन गिरी र कपिल रिजाल हुन्।