विराटनगर, — लैंगिक हिंसा विरुद्धको १६ दिने अभियानअन्तर्गत नेपाल युवा संरक्षक मञ्चको आयोजनामा आज विराटनगरस्थित आदर्श बालिका माध्यमिक विद्यालयमा ‘साइबर अपराध र लैंगिक हिंसा’ विषयक अन्तरक्रिया कार्यक्रम सम्पन्न भएको छ ।
‘प्रविधिको सही प्रयोग गरौँ, लैंगिक हिंसा अन्त्य गरौँ’ भन्ने नारासहित आयोजित कार्यक्रममा संस्थाकी अध्यक्ष निसा श्रेष्ठले बालबालिका लाई लैंगिक हिंसाबाट मुक्त गर्नुपर्ने सो अन्तरक्रिया कार्यक्रममा बताउनुभयो । उहाँले कार्यक्रमले डिजिटल माध्यममार्फत बढ्दो साइबर अपराध, अनलाइन दुव्र्यवहार, बालबालिकाको सुरक्षासँग सम्बन्धित जोखिम तथा समाधानका उपायबारे सहभागीहरूलाई व्यवहारिक जानकारी प्रदान गरेको उहाँले बताउनुभयो । अन्तरक्रिया कार्यक्रममा प्रविधिको उपयोग कसरी गर्ने र प्रविधिलाई कसरी सदुपयोग गर्ने भन्ने विषयमा ेपाल घरेलु तथा साना महासंघ मोरङ महिला उद्यम समिती निवर्तमान अध्यक्ष सुनिता छाराहाङ आफनो प्रस्तुती कार्यक्रममा प्रस्तुत गर्नुभएको थियो । उहाँले डिजिटल माध्यमबाट हुने साईवर अपराधको विषयमा विद्यार्थी एवम उपस्थित लाई यसका सकारात्मक तथा नकारात्मक असरको बारेमा जानकारी दिनुभयो ।
आदर्श बालिका माध्यमिक विद्यालयका प्रधानाध्यापक रमेश नेपालले पछिल्ला वर्षहरूमा डिजिटल पहुँच बढेसँगै साइबर अपराधमार्फत लैंगिक हिंसा बढी देखिन थालेको भन्दै विद्यालयस्तरमै सचेतना अभियान अपरिहार्य भएको उल्लेख गर्नुभयो उहाँले वालवालिकालाई आजको डिजिटल युगमा प्रविधिको सहि सदुपयोग गर्नुपर्ने उहाँले बताउनुभयो ।
कार्यक्रमले विद्यार्थीलाई सुरक्षित इन्टरनेट प्रयोगका विधि सिकाउँदै लैंगिक हिंसा अन्त्यमा आफू–आफैँबाटै परिवर्तन सुरू गर्नुपर्छ भन्ने सन्देश दिएको आयोजकको भनाइ छ । विद्यार्थी, शिक्षक तथा सरोकारवालाहरूको सक्रिय उपस्थिति रहेको थियो ।
