काठमाडौं, वसुन्धरा–मान प्रज्ञा प्रतिष्ठानले २०७९ सालको वसुन्धराश्री पुरस्कार म्यान्मा निवासी वरिष्ठ नेपाली साहित्यकार ठाकुरप्रसाद गुरागाईँलाई र २०७९ सालको मानश्री पुरस्कार म्यान्मा निवासी नेपाली कलाकार थानबहादुर रावललाई प्रदान गर्ने घोषणा गरेको छ ।
वसुन्धरा–मान प्रज्ञाप्रतिष्ठानका कुलपति डा.दुबसु क्षेत्रीको अध्यक्षतामा मङ्गलबार बसेको बैठकले उत्कृष्ट आधुनिक नेपाली कथा, उपन्यास र नाटकको सिर्जनाद्वारा नेपाली साहित्यलाई सार्थक, समृद्ध र समुन्नत बनाई नेपाली वाङ्मयलाई वैभवशाली र गरिमामय बनाउन विशिष्ट योगदान गरी नेपाली डायस्पोरामा नेपाली भाषा र साहित्यको स्थान र पहिचान उच्च र अक्षुण्ण राख्न विशिष्ट योगदान दिएको भन्दै गुरागाईँलाई वसुन्धराश्री पुरस्कार प्रदान गर्ने निर्णय गरेको हो । पुरस्कारको राशि ७५ हजार रुपैयाँको रहेको छ ।
यस्तै आधुनिक नेपाली गीत, नाटक, चलचित्र र हास्यव्यङ्ग्यको सिर्जना र अभिनयद्वारा नेपाली वाङ्मयको विकास र विस्तारमा महत्वपूर्ण योगदान गरी नेपाली डायस्पोरामा आफ्नो अलग र विशिष्ट स्थान, पहिचान र वैशिष्ट्य कायम गर्नुहुने कलाकार रावललाई मानश्री पुरस्कार प्रदान गरिने भएको छ। पुरस्कारको राशि ५० हजार रुपैयाँको रहेको छ ।
वि.सं २००४ चैतमा म्यान्माको मोगोकमा जन्मनुभएका वरिष्ठ कलाकार रावलका ‘सुन मायालु’, ‘दुःखीको दाइजो’, ‘जम्काभेट’लगायत कृति प्रकाशित छन् भने दर्जनौँ नेपाली चलचित्र तथा नाटकमासमेत निर्देशन र अभियन गरेका छन् ।
यसअघि वसुन्धराश्री पुरस्कारद्वारा कविवर माधवप्रसाद घिमिरे …२०५७, वरिष्ठ उपन्यासकार दौलतविक्रम विष्ट …२०५८, वरिष्ठ कथाकार तथा नाटककार गोविन्दबहादुर मल्ल ‘गोठाले …२०५९, वरिष्ठ समालोचक यदुनाथ खनाल …२०६०, वरिष्ठ आख्यानकार मदनमणि दीक्षित …२०६१, वरिष्ठ उपन्यासकार डायमनशम्शेर राणा …२०६२, वरिष्ठ साहित्यकार इन्द्रबहादुर राई २०६३, वरिष्ठ कवि मोहन कोइराला …२०६४, वरिष्ठ संस्कृतिकर्मी सत्यमोहन जोशी …२०६५, वरिष्ठ समालोचक कृष्णचन्द्रसिंह प्रधान २०६६, वरिष्ठ कवि वैरागी काँइला २०६७, वरिष्ठ कवि धर्मराज थापा …२०६८, वरिष्ठ समालोचक प्राडा वासुदेव त्रिपाठी …२०६९, वरिष्ठ चित्रकार शशि शाह …२०७०’ वरिष्ठ कलाकार हरिप्रसाद रिमाल …२०७१’, वरिष्ठ सङ्गीतकार अम्बर गुरुङ (२०६७२), वरिष्ठ आख्यानकार लीलबहादुर क्षेत्री …२०७३, वरिष्ठ समालोचक प्राडा तारानाथ शर्मा …२०७४, वरिष्ठ गायक प्रेमध्वज प्रधान …२०७५, वरिष्ठ कलाकार मदनकृष्ण श्रेष्ठ २०७६, आख्यानकार डा= ध्रुवचन्द्र गौतम …२०७७= र लोकगायक कुमार बस्नेत …२०७८,लाई सम्मान गरिएको थियो ।
यसैगरी प्रतिष्ठानले यसअघि मानश्री पुरस्कारद्वारा कवि तथा गीतकार दिनेश अधिकारी (२०५७), साहित्यकार विनय रावल २०५८, नाटककार अशेष मल्ल २०५९, गजलकार ज्ञानुवाकर पौडेल २०६०, साहित्यकार मञ्जुल २०६१, कथाकार मधुवन पौडेल २०६२, कवि विष्णुविभु घिमिरे २०६३, कवि कृष्णभूषण बल २०६४, कथाकार भुवन ढुङ्गाना २०६५, कथाकार सनत रेग्मी २०६६, कवि विजय बजिमय २०६७, समालोचक डा रामदयाल राकेश २०६८, कथाकार डा= वेञ्जु शर्मा २०६९, चित्रकार किरण मानन्धर २०७०, कलाकार नीर शाह २०७१, गायक दीप श्रेष्ठ २०७२, साहित्यकार दुर्गाप्रसाद श्रेष्ठ २०७३, साहित्यकार तथा सञ्चारकर्मी खगेन्द्र नेपाली २०७४, गायक भक्तराज आचार्य २०७५ कलाकार हरिवंश आचार्य २०७६, साहित्यकार सरुभक्त २०७७ र गायिका मीरा राणा
२०७८,लाई प्रदान गरिएको थियो ।
वसुन्धरा–मान प्रज्ञा–प्रतिष्ठानका सदस्य–सचिव कृसु क्षेत्रीका अनुसार ‘म्यान्माली नेपालीले नेपाली भाषा, साहित्य र संस्कृतिका क्षेत्रमा गरेको योगदानलाई सम्झन यी दुई पुरस्कार यस वर्ष दुवै म्यान्माली नेपालीलाई प्रदान गरिएको हो । म्यान्मामा नेपालीले भाषा, साहित्य र संस्कृतिको क्षेत्रमा गरेको योगदान साँच्चिकै अनुकरणीय छ ।’
