कवि योक्पाङ्देनको ‘केवाफुङ्को गीत’ सार्वजनिक गरिएको छ।
शिल्पी थिएटरमा आयोजित एक कार्यक्रममा कविद्वय श्रवण मुकारुङ, विमला तुम्खेवा, समीक्षकद्वय अशोक थापा, गुरुङ सुशान्त र माया पब्लिकेशनका अध्यक्ष विनयभूषण दत्तले पुस्तक सार्वजनिक गरेका थिए
पुस्तकमाथि बोल्दै मुकारुङले स्थानीयताको प्रयोगमा कवि योक्पाङ्देन अब्बल रहेको चर्चा गरे ।कवि तुम्खेवाले ‘केवाफुङ्को गीत’ भित्रका कविताले अर्गानिक स्वाद दिएको बताइन् ।
समीक्षक थापाले मुलुकमा पटक-पटक सामाजिक, राजनीतिक आन्दोलन भए पनि पहिचानको आन्दोलनको यात्रा सधैं धूमिल भइरहेकामा चिन्ता गरे । ‘वक्ता गुरुङले कवितामा सांस्कृतिक चिन्तन, परदेशीएका पीडादेखि पर्यावरणीय चिन्तनसम्म आएको बताए । ‘संग्रहमा शब्दको फुर्मासी छैन, कविता कविताकै लागि लेखिएका छन्,’ उनले भने ।
कार्यक्रमलाई सहजीकरण गरेका पत्रकार फणीन्द्र संगमले मोरङको मिक्लाजुङ बस्दै आएका योक्पाङ्देनका कवितामा स्थानीय रङ, विम्ब र त्यहीँको माटोको सुवास पाइने बताए । कवि योक्पाङ्देनले आफ्ना भावना, संवेग र आक्रोश कवितामै प्रकट गरेको भनाइ राखे। ‘सिंहदरबार र बालुवाटारमा बस्ने, गाडीमा राष्ट्रिय झन्डा हल्लाउँदै हिँड्नेहरुले नै देशको बदनाम गरेका छन्,’ उनले भने, ‘गाउँमा खेतीकिसानी गर्ने, भारी बोक्नेले त त्यसरी सोच्न पनि सक्दैन ।’
कार्यक्रममा रंगकर्मी घिमिरे युवराजले संग्रहभित्रका दुई कविता वाचन गरेका थिए । पुस्तकलाई माया पब्लिकेसनले प्रकाशनमा ल्याएको हो ।
Trending Now
- US Pauses Shipment Of Bombs To Israel Amid Tensions
- LOD ranked 50th among the world’s best clubs
- इजरायली सेनाद्वारा गाजाको रफाह क्रसिङ नियन्त्रणमा
- चीनले १८ महिनापछि भारतका लागि नयाँ राजदूत पठाउँदै
- संवैधानिक परिषद्को निर्णय सर्वसम्मतिले गर्नुपर्छ भन्नेमा अडिग छु : गृहमन्त्री
- ‘नौमुरे योजना’ को प्रस्ताव फेरि अगाडि बढाउन जरूरी छ : ओली
- स्वदेशी वस्तुको उपभोग अभिवृद्धि गर्न चाँडै निर्देशिका जारी गर्छौं : मन्त्री दामोदर भण्डारी
- एमालेसँग मिलेर सरकार बनाउने विषयमा संवाद गरिएको छैन – कांग्रेस
- US revokes licences for supply of chips to China’s Huawei
- प्रधानमन्त्री ‘प्रचण्ड’ दाँतको परीक्षणका लागि आज दिउँसो वीर अस्पताल पुगे
Comments are closed.