२८, फागुन, २०७८ मकवानपुर — एक लाख रुपैयाँ नगद राशिको बिजुलीमाया वनः श्रेष्ठ संगीत पुरस्कार यस वर्ष संगीतकार तथा प्राध्यापक दीपक जंगमलाई प्रदान गरिएको छ ।
भीम विराग संगीत साहित्य कला प्रतिष्ठान मकवानपुरले भीम विरागको १०औं स्मृति दिवसको सन्दर्भमा शनिबार हेटौंडामा सांगीतिक समारोहकाबीच पुरस्कार प्रदान गरेको हो । २०६४ सालदेखि प्रतिष्ठानले यस पुरस्कार प्रदान गर्दै आइरहेको छ ।
प्रतिष्ठानका अध्यक्ष ह्यग्रीव आचार्य, वरिष्ठ साहित्यकार एलबी क्षेत्रीले जंगमलाई नगद हस्तान्तरण गर्दै दोसल्ला ओढाएर कदर प्रदान प्रदान गरेका थिए । २०१० सालमा भक्तपुरमा जन्मिएका संगीतकार जंगमले हालसम्म चार हजारभन्दा बढी गीतमा संगीत भरेका छन् भने दुई सयभन्दा बढी गीतमा स्वर दिएका छन् ।
भीम विराग युवा संगीत पुरस्कार २०७८ बाट गायक शिव परियारलाई नगद २५ हजार रुपैयाँसहित पुरस्कृत गरिएको छ ।
