काठमाडौं । अलपत्र परेको गौतम बुद्ध अन्तराष्ट्रिय क्रिकेट रंगशाला निर्माणको काम पुनः सुरु हुने भएको छ ।
भरतपुर महानगरपालिकाले चितवनको भरतपुर महानगरपालिका–१५ रामपुरमा रहेको सो क्रिकेट रंगशाला निर्माणका लागि टेण्डर आह्वान गरेको छ ।
महानगरपालिकाले रंगशालाको पहिलो चरणको निर्माण कार्यका लागि १ अर्ब १० करोड रुपैँयाको टेण्डर आह्वान गरेको हो । महानगरपालिकाले बिहीबार सार्वजनिक सूचना जारी गरेर इच्छुक र योग्य कम्पनीलाई एक महिनाभित्र आवेदन पेश गर्न आह्वान गरेको छ ।
धुर्मुस–सुन्तली फाउन्डेसनले निर्माण सुरु गरेको सो मैदान निर्माणमा आर्थिक सहयोग जुटाउन नसकेपछि महानगरपालिकालाई स्वामित्व हस्तान्तरण गरेको थियो । झण्डै तीन वर्षदेखि अलपत्र अवस्थामा रहेको मैदान निर्माणको काम महानगरले अघि बढाएको हो ।
रंगशालाको पहिलो चरणमा १० हजार जना क्षमताको स्टयाण्ड, मैदानको सम्पूर्ण काम, पेभेलियनसहित दुई वटा टावर बिल्डिङ निर्माण हुनेछन् । यो काम पूरा हुँदा रंगशालाको क्षमता १५ हजार जनाको पुग्नेछ ।
वाग्मती प्रदेश सरकार र भरतपुर महानगरपालिकाले ७० र ३० को साझेदारीमा रंगशाला निर्माण गर्ने सहमति भएसँगै अलपत्र अवस्थामा रहेको रंगशाला निर्माणको काम अघि बढेको हो ।
Trending Now
- CAG of India Girish Chandra Murmu called on Nepal Prime Minister Prachanda today
- CAG of India and Nepal signed MOU to enhance collaboration in audit fields
- CAG of India Sh. Girish Chandra Murmu met Auditor General of Nepal Mr. Toyama Raya and signed an MoU today
- भट्टराईको ‘मनोभिराम’ मुक्तकसङ्ग्रह विमोचन
- ‘विश्वमञ्च’मा नरेन्द्र मोदी पुस्तक सार्वजनिक
- काठमाडौंमा न्युयोर्क राइटर्स वर्कसप र हिमालयन लिटरेचर फेस्टिभल हुँदै
- विभिन्न साहित्यकारहरू सम्मानित
- साहित्यकार डा. विमल, रंगकर्मी शर्मा तथा रेडियोकर्मी घिमिरे पुरस्कृत
- ‘पुष्पा २’ को पहिलो गीत सार्वजनिक
- गाजामा तत्काल युद्धविराम गर्न इजिप्ट र कुवेतको संयुक्त आग्रह
Comments are closed.