चितवन — वरिष्ठ साहित्यकार सरुभक्त श्रेष्ठले कविडाँडा सुवर्ण तुलसी काब्य पुरस्कार प्राप्त गरेका छन् । ५० हजार १६० रुपैयाँ नगद राशी रहेको सो पुरस्कार शनिबार नारायणगढको चितवन साहित्य परिषदको सभा हलमा आयोजित कार्यक्रममा साहित्यकार श्रेष्ठलाई प्रदान गरियो । कविडाँडा साहित्य समाजले प्रदान गर्ने सो पुरस्कार हाल अमेरिका बस्ने गीतकार सरला श्रेष्ठले आफ्ना माता पिताको नाममा स्थापना गरेकी हुन् ।
पुरस्कृत साहित्यकार श्रेष्ठ कथा, उपन्यास, मुक्तक गीत लेखनमा सक्रिय छन् । विस २०१२ सालमा पोखरामा जन्मेका साहित्यकार श्रेष्ठले उपन्यास ‘पागल बस्ती’का लागि मदन पुरस्कारसमेत पाएका छन् । कार्यक्रममा श्रेष्ठको योगदानका बारेमा बोल्दै साहित्यकार भुपिन खड्काले श्रेष्ठका विभिन्न विधामा गरेर तीन दर्जनका हाराहारीमा कृतिहरु प्रकाशित भइसकेको जानकारी दिए ।
सुवर्ण तुलसी काब्य पुरस्कार पहिलो पटक विस २०७६ सालमा श्रवण मुकारुङ्गले पाएका थिए । त्यसयता तिर्थ श्रेष्ठ र मनु मञ्जिलले पनि यो पुरस्कार पाइसकेको कविडाँडा साहित्य समाजका अध्यक्ष एलबी क्षेत्रीले जानकारी दिए । ‘नेपाली कविता, आख्यान र नाटकको क्षेत्रमा समर्पित भएर लाग्नु भएका सरुभक्तको नेपाली साहित्यमा अतुलनीय योगदान छ । त्यसैले उहाँलाई पुरस्कृत गर्ने निर्णय गरेका हौं’ अध्यक्ष क्षेत्रीले भने ।
Trending Now
- Al Jazeera shut down in Israel, confiscates goods from office
- As war in Gaza enters seventh month, 1.74 million more Palestinians will be pushed into poverty across State of Palestine according to United Nations assessment
- कांग्रेस पुग्यो गण्डकी सरकारविरुद्ध सर्वाेच्च अदालत
- Chinese Ambassador Congrats on Nepal’s improved food self-sufficiency, paddy harvest
- Foreign Secretary Sewa Lamsal in her keynote speech said that feminism is not a new concept in Nepal and that this movement has led to Nepal’s social, cultural and economic growth
- Families of Nepali citizens serving in the Russian Army appealed to the Prime Minister Pushpa Kamal Daha for urgent measures to rescue and bring back their loved ones
- रुसी सेनामा आबद्ध नेपाली फिर्ता ल्याउन उच्चस्तरमा कूटनीतिक पहल गर्छु : प्रधानमन्त्री ‘प्रचण्ड’
- ‘मनसरा’को गीत ‘एक तार मनको’ युट्युबमा सार्वजनिक
- ‘गाउँ आएको बाटो’को टिजर सार्वजनिक
- डम्बर यक्सोको कवितासंग्रह ‘मेरा मनका अव्यक्त भावहरू’ लोकार्पण
Comments are closed.